Бүгін ауданда 1 қазан – Халықаралық қарттар күні мерекесіне орай, мәдениет үйінде салтанатты жиын өтті, деп хабарлайды аудан әкімінің баспасөз қызметі.
Жиында аудан әкімі Абат Жангалиев, аудандық мәслихат төрағасы Гульжаннат Калиева сөз сөйлеп, аудан ардагерлерін мерейлі мерекемен құттықтады.
Халқымызда «Қариясы бар ел – қазыналы ел» деген тағылымды сөз бар. Біз әрқашан қариясын қадірлеп, ардагерін ардақтаған текті елдің ұрпағымыз. Әркез алдыңғы буын аға-апаларымыздың ел дамуы жолындағы ерен ерлігі мен қажырлы еңбегін үлгі тұтамыз.
Шарада аудан көркемөнерпаздары ардагерлердің құрметіне ән айтып, би биледі.
