Геннадий Головкинге әлем чемпионы титулы үшін жұдырықтасу құқығы берілді.

Бұл туралы Халықаралық бокс федерациясы (IBF) орта салмақтағы әлем чемпионы Геннадий Головкин мен украиналық Сергей Деревянченко арасындағы жекпе-жекті өткізуге рұқсат бергеннен кейін белгілі болды.

Головкин мен Деревянченконың командалары арасындағы келіссөздер сәтті болса, жекпе-жек екі айдан кейін, 5 қазанда DAZN-де өтеді.

Еске сала кетейік, GGG кәсіпқой рекорды - 39 жеңіс, оның 35-і нокаутпен. Сондай-ақ, Головкин бір рет тең түсті және бір жеңілісі бар. Сергей Деревянченко 13 рет жеңіске жетіп (10 нокаут), бір мәрте жеңіліске ұшыраған.

Дереккөз: «ҚазАқпарат»

Фото: Ашық дереккөз