16-22 ақпан күндері Ақтөбе қаласында облыстық дене шынықтыру және спорт басқармасының ұйымдастыруымен армрестлингтен Қазақстан Республикасының чемпионаты өтті.
Талай мықты қатысқан дүбірлі додада Атырау облысының спортшылары топ жарып, 1 күміс және 1 қола медаль еншіледі.
Олардың арасында Құрманғазы ауылының тұрғыны, спорт шебері Ерсейт Бралин бар. 95 келі салмақ дәрежесінде бақ сынап,қола медальды қанжығасына байлаған батырдың бапкері – Асылжан Мамбетов.
Аймақ намысын қорғаған нар азаматтың алар асуының көбеюін тілейміз!
Еркеназ Қалижан