Осындай тақырыппен С.Көшекбаев атындағы мәдениет үйі алдында ел астанасы күніне орай мерекелік шара ұйымдастырылды.
Коронавирустық инфекцияның таралуының алдын алудың талаптары мен шектеулеріне орай концертті әлеуметтік желілер арқылы таратудың да мүмкіндігі қарастырылды.
Жиналғандар алдында құттықтау сөзін арнаған аудан әкімінің орынбасары Нұрлыбек Қалиев «Халық» қайырымдылық қорының «Ел тірегі - Елбасы» атты марафоны аясында аудандағы аз қамтылған 148 отбасына қайырымдылық себеттері табысталу үстінде екенін айта келіп, шараға қатысып отырған бірқатарына сертификаттарын табыстады.
Көмек алғандар атынан ауыл тұрғыны Гүлсім Сұлтанова қайырымдылық марафонын ұйымдастырғандарға ризашылығын білдірді. Елорда күніне арналған мерекелік шарада аудан өнерпаздары ән мен күйден шашу шашты.
А.МЕЙІРМАН
