"Nur Otan"партиясы Құрманғазы аудандық филиалының "Дыңғызыл" БПҰ төрағасы, округ әкімі О.Азимовтың бастамасымен, республикалық #BIZBIRGEMIZ акциясы аясында, Дыңғызыл округінде төмендегідей бірнеше игі бастамалар жүзеге асырылды.
- Ауылдық округ әкімі О.Азимов 4 оқушыға интернет желісіне қосылу үшін ұялы телефондарына бірлік салып, қайырымды іске жол ашты.
- Дина Нұрпейісова жалпы орта мектебі ұжымы елімізде орын алған төтенше жағдай кезінде, жұдырықтай жұмылып, бірлескен жұмыс көрсете білді. Мектеп директоры Б.Бекжанов 2 отбасын, Н.Мұхамбетчиев 3 отбасын, жеке кәсіпкер "ЗЕРЕ" А.Қуаншалиев 4 отбасын азық-түлікпен қамтамасыз етіп, қамкөңіл жандарды риза қылды. Сондай-ақ мектеп ұжымы 43 отбасына 100 масканы тегін таратты және қашықтықтан оқытуда оқушыларды әлеуметтік желіге байланыстыру үшін 18 отбасын тарифтік мегабайтқа қосты.
- Жақсылық жасауға бағытталған игі ісіміздің тағы бір көрінісін - Ж.Нәжімеденов мектебінің директоры Р.Хасантаев 2 оқушының ұялы телефоны бірлік салып, балалар мерейін тасытып, аталған мектеп ұжымы тұрғындарға 60 маска таратуымен көрсетті.
- Жеке кәсіпкерлер де осы қатардан табылды: атап айтсақ, "Гулжан" дүкенінің иесі Тасымова Мария 1 отбасын, "Үш Қоңыр" дүкенінің иесі Каюпов Абай 2 отбасына азық-түлік табыс етті.
- Қайырымды істің жалғасы ретінде Дыңғызыл ауылдық мәдениет үйінің директоры А.Қошабаев бастаған мәдениет үйі ұжымы, тұрғындарды 100 маскамен қамтамыз етті.
- Игі ниетті жомарт жандардың бірі, облыстық мәслихат депутаты, Құрманғазы ӨК-нің басқарма төрағасы Сабыржан Сұлтановтың көпбалалы, мүмкіндігі шектеулі жандарға 300 дана масканы таратуының өзі, өзгелерге үлгі боларлықтай іс.
- Тағы бір айтарлықтай елеулі істердің бірі, бұл Дыңғызыл ауылдық округ әкімі аппараты ұжымының, "Айжан" балабақшасы ұжымының, Жыланды дәрігерлік емханасы ұжымының, Абуевтар отбасының, ауылдың 1989-жылғы туылған жастарының ЖК "Шайхиев" "Ыстық нан" мекемесімен бірлескен түрде, әр жұма сайын тұрғындарды тегін нанмен қамтамасыз етіп отыруы.
- Дыңғызыл округінің ветеринарлық пункт мамандары халықтың көп шоғырланатын (балалар ойыны алаңдары, мектеп, балабақша, жатақхана ғимараттарын) жерлерін дезинфекциялап, өз үлестерін де қосты.
Мұның бәрін тілге тиек етіп отырған себебіміз, осы өмірде қандай да бір игілікті, қайырымды істеріміздің сыйы – Алла Тағаланың жәннаты екенін жадымыздан шығармай, соған амал ету. Жақсылықтың қайтарымы көп болады. Кедейліктен қорқып, сараң болмайық. Алла Тағала сауапқа ұмтылуды баршамызға нәсіп етсін!
Дыңғызыл ауылдық округі әкімдігі