23-маусым - Қазақстан полициясы күніне орай аудандық полиция бөлімі жеке құрамы мен сала Ардагерлерінің қатысуымен салтанатты шара өткізілді.
Салтанатты шараға аудан әкімі Марат Мурзиев қатысып, жеке құрамды өз жұмыстарына жауапкершілікпен қарауға шақырып, жетістікке жеткен қызметкерлерді Алғыс хатпен марапаттады.
Сонымен қатар, бөлім бастығы, полиция полковнигі Тұрғали Жұмашев, ҚР ІІМ полиция генерал-лейтенанты Е.Тұрғымбаевтың және Атырау ОПД бастығы полиция полковнигі Қ.Үмбетқалиевтың атынан жеке құрам қызметкерлеріне келген марпаттарын табыстады. Ішкі істер органдарында көп жылдар қызмет атқарып, еңбек өтілінің толуына орай жаңадан зейнеткерлікке шыққан қызметкерлерге бағалы сыйлықтар мен құттықтау хаттары берілді.
Аудандық "Серпер" газетінің бас редакторы А.Шакупова құттықтау лебізін жеткізіп, гүл шоғын сыйлады.
Ардагерлер кеңесінің төрағасы Есенгелді Мерханов өз сөзінде бұл мереке Ішкі істер органдары қызметкерлерінің кәсіби шеберлігі мен ержүректілігіне, құқықтық тәртіп сақшыларының бірнеше буынымен іргесі қаланып келген Отан мен халыққа қызмет етудің озық дәстүрлеріне құрмет болып саналатындығын айтып өтті.