Балалардың отпен ойнауы – үлкен апатқа әкеп соғады

Рейтинг: 0 / 5

Балалардың отпен ойнауынан өрттер өкінішке орай жиі туындайды.Мұндай өрттер өте қайғылы нәтижелерге әкеліп соқтыруы мүмкін. Балалар оттың қаупін түсінбегендіктен оған аса қызығушылық білдіреді. Үш жастан бес жасқа дейінгі балалар өз ойындарында ересектерді, олардың іс-әрекеттерін, тұрмыс-тіршілігін қайталайды. Бұл жастағы балалар барлық нәрсені тезірек білуге және өз қолымен жасауға асығады. Әсіресе олар үйде жалғыз қалғанда бұл қызығушылықтарын істе байқап көруге тырысады. Бала жалғыз қалғанда сіріңкемен ойнап, қағаз жағып, бір кездері орманда жанғанын көрген алауды тұтатқысы келіп, әрекет қылуы мүмкін. Әр түрлі жағдайларға байланысты үлкендердің балаларды қараусыз жалғыз қалдыруға мәжбүр болатын кездері де болады. Әсіресе балаларды пәтерде немесе бөлмеде жауып кеткен жағдайда бұл өте қауіпті. Өрт болған жағдайда олар дер кезінде қауіпсіз жерге шыға алмайды.

Балалардың отпен ойнауынан болатын өрттердің алдын алу үшін не істеу қажет:

- балаларға өрт қауіпсіздігі туралы жиі айтыңыз;

- өрт қауіпсіздігі ережелеріне байланысты барлық жағдайда үлгі көрсетіңіз;

- сіріңкелерді балалардың қолы жететін жерлерге қоймаңыз;

- газ плиталарды, пешті жағуды, электр құрылғыларын қосуды балаларға тапсырмаңыз;

- балалардың от жақпауын қадағалаңыз;

- сәбилерді үйде ересектердің бақылауынсыз жалғыз қалдырмаңыз;

- балалардың бос уақытына көп көңіл бөліңіз. Балаға өрт жағдайында дұрыс іс-қимыл жасауды үйретіңіз. Өрт немесе жану белгілерін байқаған кезде (түтіннің таралуы, ауа температурасының жоғарылауы, күйік иісі және т.б.) кез келген жастағы бала дер кезінде сыртқа шығуы қажет. Өрт туралы үлкендерге немесе өртке қарсы қызметке «101» және «112» телефон нөмірлеріне дереу хабарлау керек.

Өрт қауіпсіздігі ережелерін сақтауда балаларға үлгі көрсетіңіз. Тек балаларға деген үлкен қамқорлықтың арқасында ғана біз отпен ойнаудан шығатын өрттердің алдын алып, үйімізді, дүние-мүлкімізді және ең қымбаты - бала өмірін сақтап қала аламыз.

Құрманғазы ауданының ТЖБ

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика