Аудандық С.Көшекбаев атындағы мәдениет үйінде өнерлі балақайларға арналған «Бала дауысы» атты өнер байқауы өтті.
Жас өнерпаздардың көркем-эстетикалық талғамын қалыптастырып, шығармашылық дамуына қолғабыс жасау мақсатында оздырылған додаға 7-10 және 11-12 жас аралығындағы үміткерлер қатысты. Сайыс шартына сәйкес, қатысушылар балаларға арналған қазақ композиторларының немесе әлемдік хит әндердерді жанды дауыста шырқау талабы қойылды.
Аталған конкурста 34 сайыскер өз өнерін көрсетіп, арасынан талайды таңқалдырған репертуарлар да кездесті. Байқауды қорытындылай келе, нәтижесі төмендегідей:
Үлкен топ бойынша жүлделі ІІІ орынды – Айнагүл Алтынбекқызы, Гүлдерайым Нүреденова, ІІ орынды – Абылай Қадір, І орынды – Мақсат Ғапу иемденсе, Бас жүлдемен байдалық Милана Саясат «Бала дауысы» атағын жеңіп алды. Кіші топта ән шырқаған бүлдіршіндер арасынан ІІІ орын – Гүлім Дүйсенбай, Жансұлу Фёдорова , ІІ орын – Нұржігіт Амангелді, Еркеназ Жеткеншекова, ал І орын – Інжу Әбілтайға бұйырды. Бас жүлдені «Forever» әнімен Қарақат Халбай қанжығалап, білдіршіндердің «Бала дауысы» атанды. Барлық қатысушыларға Алғыс хат пен ынталандыру сыйлықтары берілді.
Жайдарлым Қайреден
