Бұдан кейін Сәрсенбай Құрманұлы заңсыз аң аулаған адамға қолданылатын жазаның жаңа түрі, атаулы әлеуметтік көмектің өзгертілген форматы,міндетті медициналық сақтандыру, «Ауыл – ел бесігі» бағдарламасы, «Педагог мәртебесі» туралы Заңы жөнінде егжей-тегжейлі түсінік берді.

- Былтырғы жылы 26 қарашада Премьер-министр Асқар Маминмен кездесіп, Атырау облысына және елімізге қатысты 10 түйткілді мәселені көтердім. Соның ішінде Азғыр өңіріндегі «Балқұдық-Қарабайлы» жол қатынасының қиындығын жеткіздім. Бұл жөнінде 3 рет депутаттық сауал жолдадым. Аталмыш мәселе Қазақстан мен Ресей арасындағы үкіметаралық комиссияның отырысына шығарылды. Бірақ бұған Ресейдің қауіпсіздік қызметінің келісімі болмай отыр. Осыған байланысты тоқтап тұрған жайы бар. Бірақ бұл мәселенің алдағы уақытта шешімін табуы үшін жұмыстанатын боламыз.

А.Шакупова