Азулы ақындардан қай жерің кем?

Рейтинг: 5 / 5

Нұрым Ерғалиевке!

Қаймықпай көтерумен ердің жүгін,

Сері ме араламас жердің жүзін.

Қашаннан "мен келем"... деп созып айтып,

Асқар тау алпысыңа келдің бүгін.

 

Сол жылдар бірге өткізген аңыз қандай,

Шалқыдық бақытымыз табылғандай.

Қолдаған жақсыларға өкпеміз жоқ,

Өшпеуге отқа майды тамызғандай.

 

Ізің қалса Шаронның жағасында,

Туған жер ердің жеткен бағасына.

Жарыңды құдай өзі таңдап берген,

Маған емес, тік тұр Бану нағашыма.

 

Аман жүр, қол ұстасып, шүкір десіп,

Тәңірім бермегенге жүгірмесім.

Қорланжан жиендерді сапқа тізіп,

Ақ Қобес бере берсін шүпірлетіп.

 

Азғырдың алтын мүйіз елігінің,

Сен бірі, ақын Нұрым, сері Нұрым.

Исатай, Гүлзадажан қос қолтықта,

Көреміз" Сарайшықтан" сені бүгін

 

Қара үзіп қалсын артта" ай, керімдер",

Тимейтін бал болады қайта ерінге.

Алпыс та біраз жер ғой, жазумен бол,

Азулы ақындардан қай жерің кем?

 

Кеше күн жанарымды суладым да-ай,

Іні етем бір жүргеннің қуларын қай.

Ащы да, тәтті жұтқан тағдыр едік,

Өрлей түс, көрем сені туғанымдай.

 

Әріптестік, ағалық ізгі тілекпен: Таңатар Дәрелұлы

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика