"Қазтелерадио" WhatsApp арқылы тараған ақпараттың жалған екендігін айтуда

Рейтинг: 0 / 5

Жалған ақпарат тарату заңмен жазаланатыны айтылып отыр. Ақпаратты басқаға жібермес бұрын оның ресми және шынайы екенін тексеру керек екені айтылды.

"Қазтелерадио" 5G желісін сынау туралы ақпаратты жоққа шығарды. Бұл туралы Stopfake.kz хабарлады.

Қазақстандық интернет пайдаланушылар 5G желісінің сынақтан өткізілетіні және осыған байланысты теле және радиохабар тарату тоқтатылатыны туралы аудио тарағанын айтқан. Роликтің авторы қазақстандықтарды интернетті пайдаланбауға үндейді. Оның пікірінше, бұл денсаулыққа зиян болуы мүмкін.

"Кейбірінің мұрнынан, құлағынан қан кеткен. Қыздар, осы 5-6 күнде кешке жұмыстан келген соң кітап, журнал оқысақ ештеңе етпейді. Теледидар көрмеңдер, телефонға жақындамаңдар, ештеңені қоспаңдар, сонда балаларыңның, немерелеріңнің денсаулығын сақтап қаласыңдар. Бұл шынайы ақпарат, нақты ақпарат, өйткені мемлекет нақты не болатынын айтпайды. Менің айтқанымның болатыны рас", - делінген аудиожазбада.

"Қазтелерадио" бұл ақпараттың жалған екенін айтып отыр. Ұлттық оператор хабар тарату сапасын жақсарту үшін жоспарлы алдын алу жұмыстарын тоқсан сайын жүргізеді.

"Құрметті абоненттер, қазіргі кезде whatsapp мессенджері арқылы жерсеріктік және эфирлік телерадиохабар тарату желілерінде жоспарлы алдын алу жұмыстарын жүргізуге қатысты жалған ақпарат таратылып жатыр. Дүрбелеңге бой алдырмауға және тек ресми ақпаратқа ғана сенуге үндейміз", - делінген хабарламада.

"Қазтелерадио" АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді. Бұл жұмыстар телерадио хабарларын сапалы таратуды қамтамасыз ету үшін қажет. Жоспарлы-техникалық жұмыстардың өткізілетіні туралы ақпаратты Ақпарат және қоғамдық даму министрлігі растады.

"Фейк және қасақана жалған ақпарат тарату заңмен жазаланады. Ақпаратты басқаға жібермес бұрын оның ресми және шынайы екенін тексеру керек. Тек ресми дереккөздерге ғана сеніңіздер", — делінген ақпаратта.

 

Sputniknews.kz

Соңғы жаңалықтар

podpiska_kaz

COVID 19

covid

Фотогалерея

Тәуелсіздікке 30 жыл

tuelszdkke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика