Әлемге әйгілі жазушы Шыңғыс Айтматовтың «Боранды бекет» романындағы «Раймалы» аңызы мен «Жәмилә» повесіндегі мәңгілік мөлдір махаббат, шынайы сүйіспеншілік желісі бойынша Д.Ғұмаров аудандық халық театры кеп сахналады. Режиссері: Б.Бидуллаев.
«Аққудың көз жасы» деп аталған лирикалық драманың кейіпкерлері бастан кешкен махаббаттың, аққудың көз жасындай, мөлдір тамшылары жан əлемін мұңнан арылтып, сүйіспеншілік пен мейірім нұрына бөлейді.
Сол арқылы бүгінгі көрерменнің ет жүрегін елжіретіп, көңіл бағын мөлдір махаббаттың кәусарымен сусындатады. Адамзат жаралғалы бері бірге жасасып келе жатқан асыл махаббат сезімін кешеден бүгінге, бүгіннен болашаққа жалғастырады...
Театрға Аудан әкімі Абат Сайфоллаұлы қолдау білдіріп,көрермен болып жылы лебізін жолдады.
