Ұлыстың ұлы күні Наурыз мерекесіне орай С.Көшекбаев мәдениет үйінің алаңында Құрманғазы аудандық музей бөлімшесінің «Кең даламның ұлттық мұрасы» тақырыбында көшпелі көрмесі ұйымдастырылды.

Ел арасында насихатталып келе жатқан тұрмыс – тіршілік болмысымызды қайта жандандырып, халқымыздың қолөнерін, тұрмыстық бұйымдарын, салт-дәстүрін ел арасында насихаттау мақсатында ұйымдастырылған көрмеге қазақ халқының ұлттық аспабы домбыра коллекциясы, зергерлік бұйымдар, тұрмыстық бұйым - ағаш бұйымдар және самаурын коллекцияларынан көрме жасақталып, көпшілік назарына ұсынылды.

Музей экскурсоводы А.Жанғалиева таныстырған көрмені аудан қонақтары мен тұрғындары тамашалап, өз әсерлерін қалдырып, ризашылығын білдірді.