Аудан әкімі Абат Жанғалиевтің өкімімен аудан әкімінің орынбасары лауазымына Мұратов Амангелді Хайдарұлы тағайындалды, деп хабарлайды аудан әкімінің баспасөз қызметі.
Мұратов Амангелді Хайдарұлы энономика және қаржы, білім, денсаулық сақтау, ішкі саясат, мәдениет және спорт салаларына жетекшілік ететін болады.
Жаңа лауазым иесін аудан әкімі Абат Жанғалиев аудан активімен таныстырып, мемлекеттік қызметте тәжірибесі мол Амангелді Хайдарұлының жаңа қызметті де абыройлы атқаратынына сенім білдіріп, жұмысына сәттілік тіледі.
Мұратов Амангелді Хайдарұлы 14 қазан, 1986 жылы Атырау облысы, Исатай ауданы, Аққыстау селосында дүниеге келген. Білімі жоғары.
2011 жылы Атырау инженерлік-гуманитарлық институтын «қаржы» мамандығы бойынша бітірген. Еңбек жолын 19 жасында мемлекеттік қызметтен бастаған.
2006 жылы Исатай аудандық қаржы бөлімінде бас маман болып, еңбек жолын бастаған.
2006-2008 жылдары жеке секторда есепші және қаржы маманы;
2008-2014 жылдары Исатай аудандық экономика және бюджеттік жоспарлау бөлімінде бас маман, кейін сектор меңгерушісі, бөлім басшысының орынбасары лауазымында қызмет атқарды;
2014-2019 жылдары Атырау облысының тексеру комиссиясының талдамалық жұмыстар және сапаны бақылау бөлімінің жетекші маманы, сапаны бақылау бөлімінің басшысы, мемлекеттік аудит бөлімінің басшысы лауазымдарында қызмет атқарған. Сертификатталған мемлекеттік аудитор.
2019-2020 жылдары Атырау облысы денсаулық сақтау басқармасы басшының орынбасары. 2020-2022 жылдары жеке секторда директор болып қызмет атқарған.
2023 жылдың 1 ақпанынан бастап Атырау облысы ауыл шаруашылығы басқармасында әкімшілік және қаржы бөлімінің басшысы лауазымында қызмет атқарып келген.
Отбасылы - 2 қыз, 1 ұл тәрбиелеуде.
