Аудан әкімі Қайрат Нұртаев салынып жатқан «Атырау-Астрахань» тас жолы құрылысына ат басын бұрды.
Мердігер мекеме «Сине Мидас Строй» төселген жол үстіне асфальт құюды бастапты. Жол бойы толған техника. Онның үстінде жиырма тонналық «Шахман» автокөліктері қораптарындағы асфальтты кезек-кезегімен төгуде. Арнайы техника мен бірнеше адам оны жазуға қызу кіріскен. Төселген жерлерді үш бірдей тегістегіш техникалар (катоктар) нығыздауда. Асфальтты қалыңдығы 10 сантиметр, ені 9 метр етіп төсеуде. Аудан басшысымен әңгімесінде мердігер мекеме өкілі бұл жолды биыл беретіндерін жеткізді.
Мекемнің Нұржау ауылының тұсындағы зауыты 2 сағатта 10 тонна асфальт дайындап үлгереді екен. Олар сол бойда қажетті жерге жеткізіледі. Мұндағы шешімін күткен мәселе ол карьер. Аудан әкімі онымен айналысуға уәдесін берді.
Қанат ҒҰМАРОВ