Кудряшов ауылдық округіне қарасты Арна ауылында жастардың қолдауымен жаңа саябақ ашылды.
Оның ашылу салтанатына қатысқан округ әкімі Жаслан Сүндетов құттықтау сөз сөйлеп, ұйымдастырушыларға зор ризашылығын білдіріп, саябақтың ішіне балаларға арналған ойын алаңын жасақтауға демеушілік жасаған «ММС-Арна» ЖШС басшысы Қайрат Жаулиевке алғыс хатын табыстады.
Ауылдық ардагерлер кеңесінің төрағасы Сағындық Рамазанов ақжарма тілегін жеткізсе, ардагер ұстаз Мүлкат Темірболатқызы тұрғындар игілігіне беріліп жатқан саябақты алдағы уақытта күтіп-ұстаудың маңыздылығын айтты. Ерікті жас Ринат Досниязов барша жомарт жандардың арқасында саябақтың сырты қоршалып, іші абаттандырылғанын тілге тиек етіп, қайырымды іске қырың көзқарас танытпаған жергілікті әкімдікке де алғысын білдірді.
Бүлдіршіндер атынан сөз сөйлеген Илана Хамитова игі жұмысты атқарған ағаларына үлкен ризашылығын айтты.
А.Шакупова
