Дауыс берушілер біртіндеп өз таңдауын жасауда. Ал, алыстағы Асанның жағдайы қандай?
Аудан орталығынан 115 шақырымда орналасқан бұл елді-мекенде №202 және №197 екі сайлау учаскесі бар. 1300 халықты жиғаг Асанның жалпы 773 сайлаушысы болса, оның 18-і үйден дауыс береді.
Ал қыр аймағында арнайы орналасқан жәшікке 171 адам өз таңдауын жасамақ. Сайлау басталғанына 4 сағатқа жуық уақыт өтсе де Үштаған ауылынан 134, Асан ауылынан 96 адам өз қалаулысына дауыс беріп үлгерді.
Ең жас сайлаушы да осы жерден табылып, өз дауысын берді. Жанбота Нұрланова есімді 18 жасар бойжеткен туған жерінің келешегіне алаңдаймын, сол үшін алғашқылар қатарынан болдым дейді. - Бұл сайлауды - өз болашағымыз үшін жасалатын маңызды қадамдардың бірі деп білемін. Ауыл басшысы қандай болса, өңіріміз де солай гүлденері анық. Осы жолда өз таңдауымды жасадым және замандастарым да бұл сайлауға бей-жай қарамаса екен деген тілегім бар,-дейді Жанбота.
Жайдарлым Қайреден