Қыс басталғалы алғаш рет қар жауды. Аспаннан төгілген ақ ұлпа қыстың сәні қар екенін дәлелдегісі келгендей.

Сағынып жүрген шығарсыңдар дегендей түннен бері төпетіп тұр. Ақ көбелектей болып теректерге қонақтауда. Ғимараттар мен көліктер де ақ бөрік киіпті.

Күн жақсы болған соң өріске шыққан қойлардың да үстінде ағарады. Жан-жағымыздың бәрі аппақ, әдемі көрініс.

Ақпанда қара жер ақ көрпесін жамылды. Табиғат адамдарға деген көңілі ақ екенін көрсетті. Әрине, қар жауғаннан кейін қауіпсіздік шаралары да алынады. Қазір аудан орталығындағы мекемелердің алды мен көлік жолдары қардан тазалануда.