Қыр бойында малмен отырған ағайынның дауыс беруге жағдайы тарта бермейтіні белгілі.
Жол нашар, көлікте болмай жатады. Осыны ескерген Азғыр ауылдық №196 сайлау учаскесінің төрағасы Саяділ Мұханәлиев 120 шақырым жерді аралап, Теректі, Сұлтан, Жандау, Мақұл, Темен, Байғазы, Шобығыр, Наушабай, Мұрат, Бегішбе, Ескіқұдық, Мырзанбет, Қақтыішпе учаскелерінен дауыс алды. Жәшік алып орталарына жетіп жатырған комиссия мүшелерін округ орталығынан шалғай отырған малшылар қауымы жылы қарсылап, өз таңдауларын жасады.
Қанат ҒҰМАРОВ
