11 мамырға дейінгі шектеу іс-шараларында құрманғазылықтар нені ескеруі тиіс?

(0 Votes)

Мен, Құрманғазы ауданының Бас мемлекеттік санитарлық дәрігері Утаров Карл Камидоллаевич «Халық денсаулығы және денсаулық сақтау жүйесі туралы» Қазақстан Республикасы Кодексінің 21-бабы13-тармағының 4 тармақшасына және 148 бабының 1-тармағына, «Қазақстан Республикасында төтенше жағдайды ұзарту туралы» Қазақстан Республикасы Президентінің 2020 жылғы 27 сәуірдегі Жарлығын, Қазақстан Республикасында төтенше жағдай режимін қамтамасыз ету туралы мемлекеттік комиссиясының 27 сәуір 2020 жылғы №16 мәжіліс хаттамасындағы коронавирустық инфекцияның (бұдан әрі – COVID-19) Құрманғазы ауданы тұрғындары арасында таралуының алдын алуды ескерту мақсатында ҚАУЛЫ ЕТЕМІН:

1.Құрманғазы ауданында шектеу шаралары 2020 жылдың 11 мамыры сағат 07.00-ге дейін ұзартылсын.

1.1.Аудан тұрғындарына ауылдардың арасына жүруге сағат 6.00-ден 22.00-дейін рұқсат етілсін;

2.Санитарлық-эпидемиологиялық талаптарды сақтай отырып, кәсіпорындардың жұмыс жасауына рұқсат етілсін:

1) өндірістік кәсіпорындар

2) құрылыс және жол жөндеу компаниялары, құрылыс дүкендері жеткізіп беруі қызметі режимінде;

3) көлік компаниялары, қойма, ауылшаруашылық мақсаттағы сервистік компаниялар;

4) автокөлік жөндеу қызметі, көлік жуу, тегершік жөндеу сервистері тек заңды тұлғаларға, автобөлшек сататын дүкендер, химиялық тазарту, тұрмыстық және оргтехника жөндеу;

5)екінші дәрежедегі банкілер штаттық кестеге сәйкес 50 пайыз қызметкерлерінің жұмыс жасауына рұқсат етіледі;

6) нотариялдық қымет көрсету;

7) қоғамдық тамақтану объекілері жеткізіп беруі қызметі режимінде сағат 22:00-дейін;

8) халыққа қызмет көрсету орталығы бизнеске байланысты қызмет көрсетуге;

9) ауылшаруашылық техника, құралдар, тыңайтқыш және дән сататын дүкендер;

3.Санитариялық-эпидемологиялық талаптарды сақтай отырып, кәсіпорындар жұмыстарын жүргізуге:

1) технологиялық процестерге қатыспайтын қызметкерлерді қашықтан жұмыс жасауын қамтамасыз ету;

2) бөгде адамдардың объектілерге кіруіне тыйым салуды күшейту;

3) жұмысқа келген қызметкерлерді ЖРВИ, тұмау ауруының симптомдарына қарап тексеріп, КВИ ауруының белгілері(құрғақ жөтел, жоғарғы дене қызуы, ауыр демалу) анықталғанда оқшаулап, жедел-жәрдем шақырту;

4) қызметкерлер арасында жеке бас гигиенасын сақтау жөнінде нұсқаулықтар өткізу және орындалуын қатаң бақылауға алуға;

5) жұмыс уақытында маскаларды, респираторларды пайдалану және уақытында ауыстыруға;

6) жұмыс орында антисептиктің қорғаныс киімдерінің дезинфекциялық жуу және антисептиктік препараттардың қорын жасақтау, қорғаныс киімдерінің уақытылы ауыстырылуын қамтамасыз етуге;

7) жұмысшалардың жұмыс орындағы арақашықтығын 2 метр сақтауға;

8) дезинфекциялық препараттарды қолдана отырып, жұмыс орындарындағы ( есік тұтқаларын, үстел, орындықтарды, перилаларды) кемінде 2 рет өңдеуге;

9) желдету жүйелерінің үздіксіз жұмыс жасауын қамтамасыз етуге;

10) жұмыс орындарында тамақтануға тыйым салынсын;

4. Балалардың ойын алаңдарына:

1) балалар ата-аналарымен бірге үйінен 50 метр қашықтықтағы ойын алаңдарына сағат 10.00-12.00 дейін, сағат 17.00-20.00 дейін санитариялық-эпидемиологиялық талаптарды сақтай отырып, баруға рұқсат етілсін;

2) ауылдық округ әкімдеріне балалардың ойын алаңдарын дезинфекцилық препараттарды пайдалана отырып, күніне 2 рет өңдеу жұмыстарын жүргізуге.

5.Осы қаулыны орындалуын бақылауды өзіме қалдырамын.

6.Осы қаулы қол қойылған күннен бастап күшіне енеді.

К.Утаров,

Құрманғазы ауданының Бас мемлекеттік санитарлық дәрігері

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21