banner_damu

Ыстанбұлда қазақтардың Кіші құрылтайы өтті

(0 Votes)

Қазақстан Республикасы Тәуелсіздігінің 30 жылдығы аясында Ыстанбұл қаласында қыркүйектің 23 күні Дүниежүзі қазақтарықауымдастығының «Жаһандану өркениетіндегі қазақ әлемі» атты Кіші құрылтайы өз жұмысын бастады.

Алыстағы ағайынның алқалы мәжілісібасталмас бұрын жергілікті билік өкілдері мен Кіші құрылтай делегаттары және қала тұрғындары түрік пен қазаққа ортақ тұлға Мұстафа Өзтүрік атындағы саябақтың ашылу салтанатына қатысты.

Саябақ Қазақстанның Түркиядағы Елшілігі мен Ыстанбұлдағы Бас консулдығының ұйытқы болуымен ашылып отыр. Ашылуда Ыстанбұл қаласының 800 мың халқы бар Бағжылар ауданының әкімі Локман Чағырыжы, Қазақстан Республикасының Ыстанбұлдағы Бас консулы Әлім Байел, Дүниежүзі қазақтарының қауымдастығы Төрағасының бірінші орынбасары Зауытбек Тұрысбеков сөз сөйлеп, даңқты спортшының ескерткіші орнатылған саябақтың лентасын кесті. Іс-шараға М. Өзтүріктің қарындасы Перихан мен Германияда тұратын қызы Неслихан да қатысты.

Кіші құрылтай жұмысына Түркия және Еуропадағы қазақ диаспорасының өкілдері қатысты. Құрылтайдың қорытындысында Қазақстан Тәуелсіздігінің 30 жылдығына орайқандастардың Үндеуі қабылданды. Сондай-ақ, бірқатар қатысушылар Дүниежүзі қазақтарының қауымдастығы Төрағасының бірінші орынбасары З.Тұрысбековтың бұйрығымен «Кіші құрылтай» төсбелгісімен марапатталды.

Құрылтай аясында диаспораның жастары үшін қазақстандық жоғарғы оқу орындарының «Білім көрмесі» ұйымдастырылды. Онда Әл-Фараби атындағы Қазақ Ұлттық Университеті, Л.Н. Гумилев атындағы Еуразия Ұлттық Университеті, Халықаралық Тараз инновациялық-гуманитарлық университеті өкілдері аталған оқу орындарыжөнінде ақпараттық таныстырылымдар жасап, сырттағы жастарды арнайы бөлінетін квота шеңберінде оқуға шақырды.

Шаралар легі Бағжылар аудандық мәдениет орталығында жалғасты. Онда қала тұрғындары мен қандастардың назарына Қазақстан Тәуелсіздігінің 30 жылдығына арналған «Алтын тамырлы Атажұрт» көрмесі ұсынылды. Артынша осы жерде Тәттімбет атындағы академиялық қазақ халық аспаптар оркестрі гала-концерт берді. Музыкалық кеш көрерменнің ыстық ілтипатына бөленіп, үлкен қошеметке ие болды. Шараның соңында З. Тұрысбеков қонақтарға қазақтың шапанын жапса, Ә. Байел Тәуелсіздіктің 30 жылдығына арнап басылған күміс естелік монеталарды сыйға тартты.

Құрылтай шеңберінде Жамбыл облысының өкілдері Мұстафа Өзтүрік саябағының ашылуындаөнер көрсетсе, «Алтын тамырлы Атажұрт» жетістіктер көрмесін Ақмола облысы әкелді. Ал Тәттімбет атындағы оркестрдің гала-концертін Қарағанды облысы ұйымдастырды.

Кіші құрылтай жыл сайын әр түрлі елдерде өтіп отырады. Келесі жылы Нұр-Сұлтан қаласында Дүниежүзі қазақтарының Ұлы құрылтайын өткізужоспарлануда. «Бармасаң, келмесең – жат боласың» дейтін қазақ халқы үшін Құрылтайдың жөні бөлек. Ағайынның арасы алыстамасын!

 

Дүниежүзі қазақтары қауымдастығы

«Отандастар қоры» коммерциялық емес акционерлік қоғамы

Қазақстанның Ыстанбұлдағы Бас консулдығы

 

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Сауалнама

Вакцинаға көзқарасыңыз қандай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика