Президент Жолдауында уақыт талабына сай дамудың басты тетіктері айқындалды. Бүгінгі әлемде бәсекеге қабілетті болу үшін ел тек табиғи ресурстарға емес, білімге, технологияға және жасанды интеллект секілді озық құралдарға сүйенуі қажет. Уақыт көшінен қалмаудың жолы да – осы өзгерістерді дер кезінде қабылдай білуде.
Қазіргі таңда жасанды интеллект экономиканы, білім беру жүйесін, медианы және мемлекеттік басқаруды түбегейлі өзгертіп отыр. Президент атап өткен цифрлық трансформация – ел дамуының стратегиялық бағыты. Алайда технологияны енгізумен қатар, оны жауапкершілікпен пайдалану да маңызды. Себебі адам капиталы мен ұлттық мүдде әрдайым бірінші орында тұруы тиіс. Уақыт көшінен қалмау – тек жаңашылдыққа ұмтылу емес, сонымен бірге саналы қадам жасау. Президент Жолдауында көрсетілген басымдықтар Қазақстанның болашағын айқындайтын нақты бағдар болып табылады. Демек, жасанды интеллект пен инновацияны тиімді игеру – елдің тұрақты дамуына бастайтын сенімді жол.
