Түркітілдес журналистер қорының Түркиядағы кезекті халықаралық жобасы басталды. Қорға мүше Алматы, Астана, Шымкент, Түркістан мен Қызылорданың журналистері Балыкесир журналистер одағының шақыруымен, Балыкесирге келді.

Сапар шеңберінде Балыкесир қаласының әкімі Йүджел Йылмазбен, жергілікті ақпарат құралдарының басшыларымен кездесіп, қаланың тарихи-мәдени мекендеріне бару жоспарланған.
2023 жылдың тамыз айында 30-ға жуық балыкесирлік БАҚ өкіліне арнап Түркітілдес журналистер қоры Алматыда жоба ұйымдастырған болатын. Былтыр 20-дан астам қазақ журналист Стамбұл-балыкесир-Чанаккале сапарына барып қайтты.