102 нөміріне қоңырау шалып, полицейлердің атына анайы сөздер айтып, жала жапқан атыраулық анықталып,ұсталды.

102 операторына өзін екі тәртіп сақшысының қарауылдап, соның кесірінен әжетханадан шыға алмай отырғанын айтады. Артынша түрлі ұятты сөздер айтып, әлеуметтік желіге таратып жіберген.

Анайы, әрі жалған сөздерді желіге таратқан 35 жастағы азамат анықталып, ұсталды. "...полиция қызметкерлерінен кешірім сұраймын"- деген бейне жазбасында қылығын мойындаған азаматқа ӘҚБтК 478 бабының 6 бөлігімен хаттама толтырылып, сот қаулысымен ол 15-тәулікке қамаққа алынды,- деп хабарланған Атырау Полиция Департаментінің фейсбук парақшасында.