Finprom.kz статистикасы бойынша Қазақстан халқының ақшалай табысы бір жылда 12%-ға, тоқсанына 211 мың теңгеге дейін өсті.

2021 жылдың үшінші тоқсанының қорытындысы бойынша халықтың табысы бір жылда 11,5%-ға, 210,7 мың теңгеге дейін өсті. 2020 жылдың ұқсас кезеңінде Қазақстан халқының тоқсандық табысы 189 мың теңгені құрады, бұл бір жыл бұрынғыға қарағанда 7,5%-ға артық. Өңірлік бөліністе ең көп табыс елорда тұрғындарында тіркелді: үшінші тоқсанда 293,1 мың теңге, жылдық өсім - 15,7%.

Көшбасшылар үштігіне Қарағанды облысы (273,7 мың теңге, 18,1%) және Алматы (254,1 мың теңге, 6,9%) кірді. Азаматтар табыстарының басым бөлігін еңбек қызметінен алды: 148 мың теңге, бұл бір жыл бұрынғыға қарағанда 16,4%-ға артық. Оның 127,4 мың теңгесі жалданып жұмыс істеуден түскен табыс, 20,6 мың теңгесі - өзін-өзі жұмыспен қамтудан және кәсіпкерлік қызметтен түскен табыс.

Әлеуметтік трансферттер жылына 1%-ға, 53,4 мың теңгеге дейін өсті. Оның ішінде 44,1 мың теңгені зейнетақы, 8,3 мың теңгені жәрдемақы, 966 теңгені шәкіртақы, 80 теңгені АӘК және тұрғын үй көмегі құрады. Туыстардан, таныстардан материалдық көмек, алимент 6,2%-ға дейін өсті.

Egemen.kz