Халыққа қызмет көрсету орталықтарының жұмыс уақытын қысқарту жоспарланып отыр

(0 Votes)

Цифрлық даму, инновациялар және аэроғарыш өнеркәсібі министрлігі Халыққа қызмет көрсету орталықтарының жұмыс уақытын қысқартуды көздейтін бұйрық жобасын әзірледі.

Құжат "Ашық НҚА" порталында жарияланған.

Бұйрыққа сәйкес, ХҚКО-ның жұмыс уақыты дүйсенбі мен жұма аралығында сағат таңғы тоғыздан кешкі алтыға дейін қысқарады.

Айта кетері, қазіргі таңда ХҚКО-лар жексенбі және мерекелік күндерді қоспағанда, дүйсенбіден сенбіні қоса алғанда сағат 9.00-ден 20.00-ге дейін үзіліссіз істейді.

"Еңбек кодексіне сәйкес өтініштерді қабылдау және мемлекеттік қызметтердің дайын нәтижелерін беру Мемлекеттік корпорация арқылы дүйсенбіден бастап жұманы қоса алғанда үзіліссіз сағат 9.00-ден 18.00-ге дейін жүзеге асырылады. Ал кезекші бөлімдер дүйсенбіден бастап жұманы қоса алғанда сағат 9.00-ден 20.00-ге дейін және сенбі күні сағат 9.00-ден 13.00-ге дейін жұмыс істейді", - делінген бұйрық жобасында.

Қажет болған жағдайда өтініштерді қабылдау және мемлекеттік қызметтердің дайын нәтижелерін беру дүйсенбі мен жұма аралығында сағат 18.00-ден 20.00-ге дейін және сенбі күні сағат 9.00-ден 13.00-ге дейін Мемлекеттік корпорацияның халыққа қызмет көрсету кезекші бөлімдері арқылы жүзеге асырылады. Бірақ жексенбі, мереке және демалыс күндері кезекші бөлімдер істемейді.

Негіздемеде айтылғандай, Мемлекеттік корпорация қызметкерлерінің санын 30%-ке қысқарту жоспарланып отыр. Осыған байланысты министрлік екі ауысымды жұмыс кестесіне (сағат 9:00-ден 18:00-ге дейін және сағат 11.00-ден 20.00-ге дейін) көшуді орынсыз деп санайды.

"Іс жүзінде 9:00-ден 18:00-ге дейінгі жұмыс кестесіне ауысу оң динамиканы көрсетіп отыр. Бұл өзгеріс қызметкерлерді бір ауысымдық жұмыс кестесіне ауыстыруға, келісімді жалақы төлеу жүйесін енгізуге және нәтижесінде қызметкерлердің жоғары жұмыс қабілеттілігін қамтамасыз етуге мүмкіндік береді", - делінген негіздемеде.

Сонымен қатар, мемлекеттік қызмет көрсететін бірқатар қосымша арналар бар. Олардың көмегімен ХҚКО-ға жүгінбей-ақ мемлекеттік қызметтерді алуға болады. Мысалы, egov.kz электронды үкімет порталы, "egov mobile" мобильдік қосымшасы және "ЦОН" мобильдік қосымшасы.

Бұдан бөлек, министрлік жұмыс кестесін қысқарту және кезекші ХҚКО енгізу бюджетті үнемдеуге оң әсерін тигізетінін айтты.

Бұйрық жобасы 29 маусымға дейін қоғам талқысына шығарылды.

 

Соңғы жаңалықтар

Республика күні

25qazan-respublika

Фотогалерея

Сауалнама

Вакцинаға көзқарасыңыз қандай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика