Халық Қаһарманы Ғазиз Байтасовты еске алу шарасы өтті​

(0 Votes)

Бүгін Атырау облысы полиция департаментінде Жамбыл облысы IІД Жол полициясы жеке батальонының 1-ші взводының командирі, 10 жыл бұрын Тараз қаласында террористі ұстау кезінде ерлікпен қаза тапқан полиция капитаны Ғазиз Байтасовты еске алу рәсімі өтті.

Батыр Ғазиз Байтасовтың есімі Тәуелсіз Қазақстан тарихында ерекше аталары даусыз. Ол – құқық қорғау органдары қызметкерлерінің арасында «Халық қаһарманы» атағын алған алғашқы әрі жалғыз адам.

– 10 жыл бұрын ержүрек полицей ланкестің жолын кесіп, бейбіт тұрғындардың амандығы үшін өз өмірін қиған болатын. Ғазиз Байтасов осылайша антына берік қызметкер екенін танытты. Ол міндетіне адал, көзсіз ерліктің символы болып қала береді. Біздің міндет осындай ердің есімін өскелең ұрпақтың санасына сіңдіру, үлгі етіп көрсету,- деді Атырау облысы Полиция департаментінің бастығы полиция полковнигі Қамза Үмбетқалиев. Атырау облысы жол полиция қызметінің ардагерлер қызметінің төрағасы запастағы полиция подполковнигі Дүйсенбек Гайсин өз сөзінде Ғазиз Байтасовтың ерлігі әрдайым жас ұрпаққа үлгі екенін, ер есімінің ешқашан ұмытылмайтынын атап өтті.

Шара барысында батыр полицейдің ерлігін дәріптеу және оқиға болған күн туралы қызметкерлерді ақпараттандыру мақсатында Қазақстан Республикасы Ұлттық ұланы «Батыс» өңірлік қолбасшылығының 5546 әскери бөлімінің жас сарбаздарына бейнеролик көрсетіліп, Полиция департаментінің музейінде қызмет бабында қаза тапқан ержүрек батырлар туралы жан-жақты тарихи деректері баян етілді. Іс-шара әріптестерінің батырды еске алып, бір минуттық үнсіздік жариялауымен аяқталды. ​ Сонымен қатар, қызметтік міндеттерін атқару кезінде қаза болғандарға арналған мемориал тақтасына полиция басшылығымен қатар Атырау облысы бойынша Қылмыстық атқару жүйесі департаменті қызметкерлері, Ішкі істер органдарының ардагерлері гүл шоқтарын қойды. Батыр ұлдың ерлігі ешқашан ұмытылмайды.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика