Былтырғы жылы республикалық деңгейде алғаш бастауын алған «Өнер барысы» бәсекесі биыл жалғасын таппақ.
Салмақ категориясы бойынша екі топқа бөлінген өнер иелері боз кілемде өзара күш сынасады. Жарысқа Еркебұлан Дайыров, Тәуекел Мүсілім, Асылхан Төлепов, Бейбіт Көшқалиев және т.б. сахна саңлақтары қатысады деп жоспарлануда.
«Бұрын күреске қатыспасам да, «Өнер барысының» арқасында белдесуге деген ерекше ықыласым пайда болды. Намысты қолдан бермеу үшін қазір тыңғылықты дайындық үстіндемін, — depti сынға түсетіндердің арасындағы Атыраулықтардың бірі, жайдарманшы — Қуаныш Кеңес.
Спорт сүйер қауым аталған турнирды 22 наурыз күні сағат 14 00-де , Алматы қаласындағы «Балуан Шолақ атындағы спорт сарайында» тамашалай алады.
