Атырауда жаппай тәртіпсіздік салдарынан зардап шеккен үш кәсіпкерлік нысан көмекке жүгінген

(0 Votes)

"Шағымдарды Атырау облысы кәсіпкерлер палатасы қарауда" деп хабарлайды Атырау облысының өңірлік коммуникациялар қызметі.

Бүгінгі күні автокөлік кәсіпорны 285 мың теңгеге зардап шеккені анықталды. Сонымен қатар, жеке күзет қызмет көрсету мекемесі мен Атырау облысы әкімдігі ішіндегі асхана мен дүкенге шығын келтірілген. Олардың шығын есебі анықталуда.

Атырау облысы кәсіпкерлер палатасының басшысы Нұрлан Сүйінбаевтың айтуынша, кәсіпкерлерді қолдау мақсатында облыс әкімінің шешімімен Жаппай тәртіпсіздік салдарынан келтірілген зиянның сомасын анықтау жөніндегі комиссия құрылды. Өтініштердің барлығы комиссия отырысында қаралып, нақты шешім қабылданады.

Айта кетерлігі, төтенше жағдайларға байланысты бизнес субъектілерінің келісім шарттық міндеттемелерін орындаудағы кедергілер бойынша, яғни форс-мажорлық жағдайда кәсіпкерлер 8702 665 71 70 нөміріне хабарласу немесе whatsapp желісі арқылы анықтама ала алады. Өзге де сұрақтар бойынша Атырау облыстық кәсіпкерлер палатасының колл орталықтары (8702 500 13 08, 8707 509 30 88) қызмет көрсетуге дайын.

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521