Атырауға «Спутник V» вакцинасының 3600 дозасы келді, деп хабарлайды ATPress.kz

«Спутник V» вакцинасының 3600 дозасы Ақтөбе фармацевтикалық хабынан 2 сәуір күні таңертең жеткізілді.

Оны Атырау облысының 22 егу пункті бойынша бөлу жоспарлануда.

Облыстық денсаулық сақтау басқармасы баспасөз қызметінің мәлімдеуінше, вакцина әлеуметтік нысан қызметкерлері мен студенттерге салынады.

Сондай - ақ, ҚР Денсаулық сақтау министрлігі ұсынған азаматтардың сегіз басым санаты бойынша халықты да вакциналау жалғасады.

Айта кетейік, бүгінгі таңда «Спутник V» вакцинасының бірінші компонентімен өңірдің 3 600, екінші компонентімен 1 556 тұрғыны вакциналанды.