Биыл «Мектепке жол» акциясы Atamekenim.kz порталы арқылы жүзеге асуда.

Аталған порталға Атырау облысы бойынша әлеуметтік аз қамтылған топқа жататын отбасы балалары туралы мәліметтер енгізілді. Олардың жалпы саны – 9607 оқушыны құрап отыр, деп хабарлайды Атырау облыстық білім беру басқармасының баспасөз-қызметі. Атырау облыстық білім беру басқармасының бөлім басшысы Алмагүл Қайырлиеваның айтуынша, «Мектепке жол» акциясы аясында көмек көрсетудің бұл жаңа форматы өткен жылдан бері қолданыла бастады. «Atamakenim.kz» порталының ерекшелігі – көмекке мұқтаж ата-ана баласының мәліметін ЖСН арқылы тіркеп, тізімге ене алады.

«Бүгінгі күні Атырау облысы бойынша әлеуметтік жағдайы төмен, жетім, ерекше білімді қажет ететін 11 187 оқушы бар. Оның 3641-іне киім-кешек пен қаржылай қолдау көрсетілді. Тамыз-қазан айында 8100 балаға көмек көрсетілу жоспарланған», дейді облыстық білім беру басқармасының бөлім басшысы Алмагүл Қайырлиева.

Абай Ақмұрзиев