Ол қазіргі уақытта көлік жүргізу құқығынан айырылды.

Атырауда мас күйінде көлік жүргізген полиция инспекторы жүргізуші құқығынан айырылып, қамауға алынды, деп хабарлайды Today.kz

Атырау облысы полиция департаментінің жеке қауіпсіздік бөлімінің қызметкерлері 28 жастағы учаскелік инспекторды ұстады. Іс сотқа жолданды. Қалалық мамандандырылған әкімшілік соттың шешімімен аға лейтенант жеті жылға көлік құралын жүргізу құқығынан айырылды.

Полиция департаментінің баспасөз қызметі учаскелік полиция қызметкері бұдан былай полицияда жұмыс істемейді, ол полиция бөлімінен шығарылды деп мәлімдеді.

Қазіргі уақытта бұрынғы полиция қызметкері 15 тәулікке қамауға алынды.