Махамбет атындағы сыйлықтың иегері, Махамбет атындағы академиялық қазақ драма театрының басшысы Жәменов Берік Қилекешұлы кенеттен өмірден өтті.
Берік Жаменов 1964 жылы Гурьев облыстық музыкалық училищесінің Қазақ ұлттық аспаптар бөлімінің домбыра сыныбын бітірген.
1989-1992 жылдары Атырау облыстық филармонияның ансамбль жетекшісі және ұйымдастырушысы болды.
1992-2000 жылдары Нұрмұхан Жантөрин атындағы Атырау облыстық филармония директорының орынбасары қызметін атқарды.
2000 жылы Дина Нұрпейісова атындағы Мұнайшылар мәдениет сарайының директоры болды. Өмірінің соңғы күндеріне дейін Махамбет атындағы облыстық қазақ драма театрына басшылық еткен Берік Жаменов Қазақстан Театрлары Ассоциациясының театр өнеріндегі ұйымдастырушылық жетістіктері үшін "Сахнагер-2018" ұлттық театр сыйлығының "Ең үздік менеджер" номинациясымен марапатталған болатын.
