banner_damu

Атырауда ​ екпе алған он адам бір сәтте миллионер атанды

(0 Votes)

Атырауда «Вакцина ал да, ақшалай сыйлыққа ие бол!» ұтысының финалдық кезеңі қорытындыланды. Жеңімпаздардың есімдері тікелей эфир мен әлеуметтік желілерде жарияланды – деп, хабарлайды Атырау облысының өңірлік коммуникациялар қызметі.

Атырауда коронавирусқа қарсы екпе алғандарға жалпы сомасы 10 миллион теңгені құрайтын, ақшалай сертификат табыс етілді. ​

Финалдық кезеңде 1 миллион теңгеге ие болғандардың бірі – Ашық Мақбұле. «Жолдасым екеуміз көктемде «Спутник» вакцинасын алдық. Ұтыс ойынына қатысатынымызды білмедік, ұтыс туралы тікелей эфирде естігенімізде, сене алмадық. Ұйымдастырушыларға тосын сый үшін көп рахмет. 72 жастағы әкеміз де​ бізбен бірге екпе алды. Енді балалар арасында коронавирусқа қарсы вакцина егу басталса, оларды да екпе алу арқылы қорғауды ​ жоспарлап отырмыз», - деді Ашық Мақбұле. Жүлдегерлер қатарында көп балалы ана Алтын Бозжанова да бар.

«Мен үшін бұл жүлде үлкен тосын сый болды. Депозит ашып, осы ақшаны ары қарай​ балаларымның болашағы үшін жинаймын. Өзім, облыстық жүйке-психиатриялық диспансерде асханада жұмыс істеймін. Менің жұмысымның ерекшелігі сол, адамдармен жиі байланысуға тура келеді, сондықтан, өзімді және жақындарымды қорғау үшін​ иммунизациядан өту керек деп шештім. Ұтыс ойынына қатысқанымды да білмедім. Ұтыс туралы хабар алғанымда әзіл деп қабылдадым. Атыраулықтарды коронавирустық инфекцияға қарсы вакцина алуға шақырамын, бұл қалыпты өмірімізге оралудың жалғыз жолы», - деді А.Бозжанова. ​ ​ ​ ​ ​ ​ ​ ​ ​ ​ ​

Еске сала кетейік, Атырауда ​ 30 маусым мен 30 қыркүйек аралығында екпенің I немесе II компонентін алғандар арасында әр 10 күн сайын 200 мың теңгеге 10 ақшалай сертификат ойнатылды. Соның ішінде, 30 маусым мен 31 шілде​ аралығында вакцина алғандар үшін тамыз айында 3 млн теңгелік 2 сертификат ұтысқа түсті. Ал, қыркүйекте тамыз айында вакцина алғандар​ арасында 3 млн теңгеге тағы 2 сертификат ойнатылды. ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​ ​

Жалпы жүлде қоры 40 миллион теңгені құраған вакцина алуды ынталандыру акциясы «Атырау облысының Азаматтық альянсы» ММ қолдауымен жүзеге асты.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика