Атырауда алғаш рет екі қатарлы туристік автобус пайда болды, деп хабарлайды Өңірлік коммуникациялар қызметі.

Қала тұрғындары мен қонақтары туристік автобуспен Атырау қаласының ең көрікті жерлерін аралап, саяхат жасай алады. Алпыс орындық қоғамдық көлік арнайы белгіленген кесте бойынша сағат 20:00 бастап түнгі 02:00 жұмыс жасайды.

-Махамбет-Исатай алаңынан бастау алатын бағыт Сатпаев, Әбілхайыр хан көшесімен әуежайға дейін барады. Кері қарай Әбілхайыр хан көшесінен Сатпаев көшесіне түсіп, Драмтеатрға дейін барып, Сатпаев көшесімен Махамбет-Исатай алаңына келеді, – деді «Akzhayik Avtopark» ЖШС-нің Эксплуатация бөлімінің басшысы Саламат Бахриденов.

Айта кетейік, ашық аспан астында серуендегенді қалайтындар үшін билет құны – 500 теңге.