banner_damu

Атырауда егіз балалар 3 қабаттың терезесінен құлап кетті

(0 Votes)

Оқиға 5 қыркүйек күні Береке шағын ауданында орын алған.

"Оқиға кезінде екі баланың анасы жұмыста, ал әкесі ұйықтап жатқан. Өкінішке орай, пәтердің терезелерінде темір тор орнатылмаған. Егіздердің біреуі ауруханада қайтыс болды", - дейді Атырау қаласының ТЖБ.

Айта кетейік, соңғы уақытта балалардың терезеден құлау жағдайлары жиілеп кетті. Статистикаға сәйкес, Атырауда жыл сайын терезеден құлау фактісі бойынша 5-6 бала көз жұмады.

Осы орайда, Атырау облысы Төтенше жағдайлар департаменті ескертеді:

• Пәтердің терезесін ашпас бұрын балаңыздың терезеден алшақ жерде жүргеніне назар аударыңыз.

• Бөлмені желдету үшін форточканы ғана ашыңыз, дегенмен терезені түгел ашатын болсаңыз, 10 см артық ашпаңыз, ол үшін шектеуші құрал қойыңыз.

• Балаңызға үлкендердің қарауынсыз балконға шығуына рұқсат етпеңіз.

• Пәтерде ұйықтап жатырған баланы жалғыз қалдырмаңыз. Сәби оянып кетіп, ашық тұрған терезеге шығып кетуі мүмкін.

• Терезенің алдына жиһаз қоймаңыз. Бұл балаңыздың терезенің алдына шығуын шектейді.

• Балаңызға терезенің қалай ашылатынын көрсетпеңіз. Өз бетінше терезе ашуды қаншалықты кеш үйренсе, соншалықты өмірі де қауіпсіз болмақ.

• Балаңызға терезеден, балконнан далаға қарау үшін аяқ астына орындық немесе басқа да заттарды қойып қарауды үйретпеңіз.   Ол сыртқа ұмсына қарап, құлап кетуі мүмкін.

Ең қауіптісі москитты торлар: бала оған сүйенем дегенде тормен бірге құлап кетуі мүмкін, олар бір жастағы баланың да салмағын көтеруге арналмаған.

Егер 5 – 7 жастағы балаңыз үйде жалғыз қалуға қорықса, қысқа уақытқа да қалдырмаңыз. Әдетте, бойын қорқыныш билеген бала ата-анасын қарау үшін терезеден немесе балконнан қарауға ұмтылады.

Ата-ананың балаларына аса көңіл бөліп, көзінен таса қылмауы қайғылы жағдайдың алдын алады. Есіңізде болсын, балаңыздың денсаулығы мен өмірі өз қолыңызда.

 

 

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Сауалнама

Вакцинаға көзқарасыңыз қандай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика