Атырауда Батыс Қазақстандағы ең ауқымды білім хабы құрылды

(0 Votes)

Атырауда алғаш рет ірі жоғары оқу орындары болашақ ұрпаққа сапалы білім беру жолында ауқымды мәселелерді шешу үшін бас қосты.

С.Өтебаев атындағы мұнай және газ және Х.Досмұхамедов атындағы мемлекеттік университеттері мен «Apec petrotechnic» жоғарғы колледжі,сондай-ақ, білім басқармасы «West HUB» деп аталатын төрт жақты келісімшартқа қол қойды. Ынтымақтастық білім беру сапасын мектептен бастап, жоғары оқу орындарына дейін жақсартуға негіз болуы тиіс.

- Президентіміз "Мықты Қазақстан - Мықты өңір" деп айтқандай, ауылдағы, қаладағы білім сапасын көтеруді алға тартқан еді. Бүгінгі білім беру хабын құрудағы басты мақсат - студенттерді жоғары оқу орнына түсуге даярлау. Білімді түлектер басқа облыстағы жоғары оқу орындарына кетпеу үшін, өңірімізде алып қалу көзделіп отыр. Біздің басты мақсатымыз - саланы тиісті құзыреттілігі бар мамандармен қамтамасыз ету, яғни жұмыс берушілердің талаптарына сәйкес кадрлар даярлау. Біздің алдымызда мектептерге көмектесу міндеті тұр. Университеттер дайын маманды оқуға алмайтынын біз жақсы білеміз. Сол себепті, біз мектептен бастап дайындауымыз керек. Біздер математика пәндерінен бағдарламалар жасап жатырмыз. Алдағы уақытта химия мен физикаға назар аударғымыз келіп отыр. Бұл пәндер біздің университет беретін техникалық мамандықтарды игеруде шешуші рөл атқарады. Төрт жақты келісімшарт арқылы өңірдегі барлық білім ордаларының жұмысы қарқынды жүреді деп есептеймін. Бір жылдан кейін біз бірлескен ынтымақтастықтың алғашқы нәтижелерін көреміз деп сенеміз, - дейді С.Өтебаев атындағы мұнай және газ университетінің ректоры Гүлзада Шакуликова.

shakulikova

Х.Досмұхамедов атындағы Атырау мемлекеттік университетінің ректоры Саламат Идрисов бұл университеттердің жұмысын үйлестіру үшін қажет екенін атап өтті.

- Бұл келісімшарт арқылы біздер ортақ байланыс жасап, бірлесіп жұмыстар атқаратын боламыз. Яғни, ғалымдармен алмасу, сонымен қатар шетелден ғалымдарды бірлесіп шақыртуға жол ашады. Өңірдегі мектептердің, колледждердің және жоғары оқу орындарының білім беру сапасын жоғарғы деңгейге көтеруге себеп болады.«West HUB» деп аталатын келісімшарт облыс аумағында орналасқан мектептердегі білім сапасын көтеріп, ғылыми немесе әдістемелік бағытта жоғарғы оқу орындары көмектесу үшін бағытталып отыр. Аудандағы және ауылдағы мектептерге арнайы топтар құрылып, жұмыстар жасауға толық мүмкіндіктер қарастырылған. Сол себепті, біздер ауылдағы мектептерге әдістемелік, ғылыми бағытта көмек көрсетуге әзірміз, - дейді Саламат Идрисов.

1234

Атырау облысының білім сапасын көтеруге бағытталып отырған бұл келісімшарт мектеп қабырғасындағы оқушылардың талғампаздылығы мен білімділігін арттыру үшінде пайдалы болмақ. Жоғарғы оқу орындарының мүмкіндігін пайдалана отырып, мектептегі математика, физика және химия пәндерінен оқушылардың білімін арттыру жоспарланып отыр.

- Алдағы уақытта ашық күндер ұйымдастырылады. Оқушылар жоғарғы оқу орындарының барлық мүмкіншілігімен танысып, ғылыми жұмыстармен айналысуға қандай мүмкіндік қарастырылғандығы туралы біліп, бағыт-бағдар беруге өзіндік септігін тигізеді. Бұл ортақ келісімшарттың мектеп мұғалімдері үшін де пайдасы зор болады. Болашақта мұғалімдерге өздерінің пән білімдерін арттыруда жоғарғы оқу орындары тарапынан көмек беру жоспарлануда. Бүгінгі «West HUB» өзінің бірлескен үлкен жұмыс күшін береді деп ойлаймын. Мектеп, орта білім және жоғарғы оқу орындарының біріне-бірі үндестігі, облыстағы білім сапасын көтеруде бұл «West HUB» үздіксіз процеске айналуы керек, - дейді Атырау облыстық білім басқармасы басшысының міндетін атқарушы Жансұлу Төремұратова.

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelszdkke-30-zhyl

Бейнебаян жаңалығы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика