25 қазан - Республика күніне орайластырылған «Қыран далам - Қазақстан» атты салтанатты жиынға Атырау облысының әкімі Серік Шәпкенов қатысып, тұрғындарды мерекемен құттықтады, деп хабарлайды облыс әкімінің баспасөз қызметі. Салтанатты жиын шымылдығын Махамбет Өтемісұлы атындағы академиялық драма театрының әртістері театрландырылған әдеби-музыкалық прологымен ашты.

Жиында аймақ басшысы Серік Шәпкенов бұл даңқты датаны ұлттық, мемлекеттік мереке дәрежесінде атап өтудің мәні өте зор, әрі әділ және тарихи шешім екенін атап өтті.

- Баршаңызды ұлттық ұлық мерекеміз – Қазақстан Республикасы күнімен шын жүректен құттықтаймын! Араға жылдар салып, бұл мерекені алғаш рет атап өтудеміз. Бұл даңқты датаны ұлттық, мемлекеттік мереке дәрежесінде атап өтудің мәні өте зор, әрі әділ және тарихи шешім. Осы күнге жетуіміз үшін ер халқымыз «күндіз отырмады, түнде ұйықтамады». «Қара қазан, сары бала қамы үшін қылыш сермеді». Рухы биік халық қиынға қайыспайды, ауырға мойымайды. Ұлы даланы аман-есен сақтап қалған да - осы асқақ рух.

Мемлекет басшысы Қасым-Жомарт Тоқаев: «Республика өз ісіне жауапты азаматтардың ортақ іс-әрекетінің арқасында құрылады. Өйткені, азаматтар – мемлекеттің арқауы. Азаматтары болмаса, мемлекет те болмайды»- деді.

Демек ұлы міндеттер мен мақсаттарға ұмтылған халық қана өз дегеніне жете алады. Ең бастысы, ортақ шаңырағымыз – сүйікті Отанымыз ырысқа кенеліп, көк байрағымыз биікте желбірей берсін,-деді облыс әкімі.

Мереке қарсаңында Қазақстан Республикасының Президенті Қасым-Жомарт Кемелұлы Тоқаевтың Жарлығымен Мемлекеттік және қоғамдық қызметтегі cіңірген еңбегі, елдің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі үшін 33 адам марапатталды.

«Парасат» орденімен: Әжіғалиева Айгүл Теміртасқызы Атырау облысы Экономика және бюджеттік жоспарлау басқармасының басшысы.

«Құрмет» орденімен: Әмірғалиева Айгүл Маулышарифқызы «Амангелді атындағы» жауапкершілігі шектеулі серіктестігінің сауда бөлімінің директоры;

Құлтекенов Қайыржан Климентұлы«Казкомсервис»ЖШС құрылтайшысы; Эльма Исмаил «SPC Harmony Schools» жауапкершілігі шектеулі серіктестігінің атқарушы директоры;

Сүлейменов Мәлік еңбек ардагері. III дәрежелі «Еңбек Даңқы» орденімен: Исағалиева Жамиля Орынбасарқызы «Атырау облысы Су Арнасы» коммуналдық мемлекеттік кәсіпорнның бас технологі;

Кидалов Николай Иванович «ИСИГипсИндер» жауапкершілігі шектеулі серіктестігінің 6-разрядты электрослесарі;

Түсіпов Рахмет Мұғауұлы «Атырау Мұнай өңдеу зауыты» жауапкершілігі шектеулі серіктестігінің Хош иісті көмірсутектер өндірісінің технологиялық қондырғы машинисті;

«Ерен еңбегі үшін» медалімен: Байзуллин Ұзақбай Шораұлы Атырау қаласы Дамбы ауылдық округінің әкімі;

Даулетов Манарбек Манапұлы Нұрмұхан Жантөрин атындағы Атырау облыстық филармониясының әртісі;

Дүйсекенова Злиха Қадырбайқызы «Атырау облыстық дарынды балалар мектеп-интернаты» коммуналдық мемлекеттік мекемесінің менеджері;

Жақияев Альберт Жүсіпұлы «Қарулы Күштер ардагерлері» қоғамдық ұйымының Атырау облыстық филиалының мүшесі;

Жауымбаев Қаршыға Елемесұлы Атырау қалалық Мәслихат хатшысы;

Зайнуллин Талапқали Сұлтанмұратұлы Смағұл Көшекбаев атындағы Құрманғазы аудандық мәдениет үйінің дирижеры;

Қарасаева Жаниба еңбек ардагері; Ли Анатолий «Наурыз» шаруа қожалығының жетекшісі;

Меңдігереева Айман Калимқызы Ш.Уәлиханов атындағы орта мектептің директоры;

Сүйеуқызы Қалампыр еңбек ардагері;

Төлеуов Бақытжан Қайырболатұлы «Держава-К» жеке кәсіпкерлігінің қызметкері;

Үмбеталиев Марат Қуанышұлы «Сенім Шыңы» қоғамдық бірлестігінің төрағасы;

Шеркешбаева Бағыт Кеңесқызы Саламат Мұқашев атындағы Атырау политехникалық жоғары колледжінің директоры;

Қабиева Гүлшара Мақажанқызы Индер аудандық мәслихаты аппаратының басшысы. «Шапағат» медалімен: Аронова Айсұлу Құбашқызы «Мақат аудандық ауруханасы» КМК жұқпалы аурулар бөлімінің меңгерушісі, - жұқпалы аурулар дәрігері;

Бөртебаев Дархан Қосымбайұлы «Жылыой аудандық орталық ауруханасы» КМК дәрігері;

Сабиров Еркін Бекетұлы Атырау қалалық №4 емханасының директоры;

Шарафеденова Шынар Қызылқоға ауданы Қаракөл дәрігерлік амбулаториясының дәрігері.  

«Қазақстанның еңбек сіңірген қайраткері» құрметті атағымен: Сүндетова Гүлмайдан  Сүндетқызы Нұрмұхан Жантөрин атындағы Атырау облыстық филармонияның әртісі;

Қазақстан Республикасының Құрмет грамотасымен: Ахтаев Бақтыгерей Шанұлы «Ембімұнайгаз» АҚ «Жайықмұнайгаз» Мұнай Газ Өндіру Басқармасы №4 мұнай-газ өндіру цехының кен қабаты қысымын сақтау шебері;

Дайынов Ризабек Өтежанұлы «Бек и Ко» жауапкершілігі шектеулі серіктестігінің басшысы;

Жанесеев Қуат Ғибатоллаұлы жеке кәсіпкер;

Қабдрахманова Қымбат Хасанқызы «Жылыой аудандық орталық кітапханасы» КМК оқырманды қамту бөлімінің библиографы;

Қауысқалиев Жұмажан Бисенғалиұлы «Атырауинжстрой-АИС» жауапкершілігі шектеулі серіктестігінің учаске бастығы;

Бапаева Жеміс Сабырғалиқызы Атырау қаласы №33 Қасым Қайсенов атындағы орта мектеп директоры. Қазақстан Республикасының Президенті, Қазақстан халқы Ассамблеясының Төрағасы Қасым-Жомарт Кемелұлы Тоқаевтың Қазақстан Республикасында ел бірлігін нығайтуға, татулық пен келісімді сақтауға және рухани мәдениетті дамытуға қосқан елеулі үлесі үшін Қазақстан халқы Ассамблеясының «Бірлік» алтын медалімен: Синицына Виктория Викторовна «Довира» украин этномәдени бірлестігінің төрайымы;

Хасенова Балғаным Құрманғазы ауданы бойынша Қазақстан халқы Ассамблеясы жанындағы Аналар Кеңесінің төрайымы.

Қазақстан халқының бірлігін, қоғамдық келісім мен қазақстандық патриотизмді нығайтуға қосқан лайықты үлесі үшін Қазақстан халқы Ассамблеясының Құрмет грамотасымен: Шмаль Олег Иосифович «Видергебурт» неміс этномәдени бірлестігінің төрағасы;

Заверткин Владимир Николаевич орыс, славян, казактар бірлестігі Қауымдастығы облыстық филиалының төрағасы;

Плузян Гагик Сережаевич «Таврос» армян этномәдени бірлестігінің төрағасы. Қазақстан халқы Ассамблеясы ел бірлігі мен қоғамдық келсімді нығайтуға, гуманистік мұраттарға дәйекті қызмет етіп, қоғамның рухани дамуына қосқан елеулі  үлесі үшін Қазақстан халқы Ассамблеясының Алғыс хатымен: Гаджиев Гадис Сулейманович «Каспий» дағыстан этномәдени бірлестігінің төрағасы.