Бұл туралы бүгін Орталық коммуникациялар қызметінің алаңында өткен брифинг барысында Атырау облысының әкімі Махамбет Досмұхамбетов мәлімдеді, деп хабарлайды Атырау облысының Өңірлік коммуникациялар қызметі.

Білім беру саласында 37 жаңа мектеп салу арқылы облыс мектептерінде үш ауысымды оқыту және орын тапшылығы мәселелерін шешеміз. Сондай-ақ, Атырау қаласының Қызылқоға, Құрманғазы аудандары мен шағын аудандарында дарынды балаларға арналған мектеп-интернаттың, төрт спорт кешенінің құрылысы жоспарланған. Осының барлығы салауатты өмір салтын қалыптастыруға, өңірде бұқаралық спортты дамытуға оң ықпал етеді, – деді Махамбет Досмұхамбетов.

Естеріңізге сала кетейік, 18 маусымда Орталық коммуникациялар қызметінің алаңында Атырау облысының әкімі Махамбет Досмұхамбетов «Мемлекет басшысының тапсырмасы аясында Атырау облысының әлеуметтік-экономикалық дамуы туралы» онлайн-брифинг берді.