Қазіргі уақытта Атырау облысы Махамбет ауданында коронавируспен ауыратындар жоқ.
Қауіпті індетті жұқтырған соңғы үш науқас осы айда дертінен айығып шыққан, деп хабарлайды Атырау облыстық коммуникациялар қызметі. Ауданда наурыз айынан бастап коронавирус инфекциясын жұқтырудың 197 жағдайы анықталған. Оның ішінде 192 адам жазылып шыққан болса, 5 науқас көз жұмған.
- 16 тамыздағы мәліметке сәйкес, қазіргі уақытта Махамбет ауданында коронавируспен ауыратындар тіркелмеген. Соңғы үш науқас коронавирусқа тест тапсырып, нәтижесі теріс көрсеткіш көрсеткеннен кейін үйіне шығарылды, - деп мәлімдеді Атырау облыстық денсаулық сақтау басқармасының баспасөз-қызметі.
