Президенттің биылғы Жолдауында ауыл шаруашылығы саласына айрықша көңіл бөлінуі – ауыл еңбеккерлері үшін үлкен қуаныш. Елбасы атап өткендей, агросекторды заманауи технологиялармен дамыту, су үнемдеу жүйесін енгізу, жердің құнарлылығын арттыру – бүгінгі күннің ең өзекті мәселелері.
Атырау облысы үшін мал шаруашылығы мен егіншілік қатар өркендеу мүмкіндігі бар. Әсіресе, жайылымдарды тиімді пайдалану, отандық тұқым шаруашылығын жетілдіру және өнімді өңдеу ісін күшейту – ауыл тұрғындарының әл-ауқатын арттырады. Президент көтерген бастамалардың жүзеге асуы ауыл жастарына жаңа жұмыс орындарын ашып, ауылдың әлеуметтік дамуына серпін береді.
Менің ойымша, ауыл шаруашылығын дамыту тек экономикалық қажеттілік емес, бұл – елдің азық-түлік қауіпсіздігі мен болашақ ұрпақ алдындағы жауапкершілік. Жолдауда айтылған міндеттерді жүйелі түрде орындасақ, қазақтың ауылдары жаңаша дамудың үлгісіне айналары сөзсіз.
Елемес Абдошев,
Ауылшаруашылығы саласының ардагері
