Жергілікті сағат 10:00 шамасында Еңбекші ауылдық округінде орналасқан өз сайлау учаскесіне аудан әкімі Марат Мурзиев келіп, өз таңдауын жасады.
Ол әрбір тұрғын өзінің конституциялық құқын толық пайдаланып, саяси науқанда белсенділік танытанына сенім білдірді. Аудан басшысы ауыл тұрғындарын мерекемен құттықтап, ауылдық клуб алдында ұйымдастырылған жәрмеңкеге қатысты.
-Бүгін еліміз үшін тарихи маңызы бар күн. Тұрғындар ертемен сайлау учаскелеріне келіп, таңдауларын жасап жатқандарына қуаныштымын. Сайлау -өз учаскеңе барып, бір параққа белгі қою емес, елдің болашағына алаңдап, оның дамуына үлес қосу. Мәжіліс пен мәслихат сайлауы қоғамды демократияландыру үрдісіне одан әрі жол ашып, саяси жүйені күшейтіп, жариялылығын қамтамасыз етеді деуге негіз бар, -деді сайлаушыларға Марат Бисенғалиұлы.
А.Шакупова
