Жаңа Конституция жобасының жариялануы – мемлекеттің жаңару бағытын айқындайтын тарихи сәт. Бұл бастама қоғамның сұранысына сай өзгерістер енгізіп, ел басқару жүйесін жетілдіруге бағытталған.
Конституция – билік үшін емес, халық үшін қызмет ететін басты құжат. Құжатта азаматтардың құқықтарын қорғау, әлеуметтік әділеттілік пен заң алдындағы теңдік мәселелеріне ерекше мән берілген. Мемлекеттің жауапкершілігін күшейту арқылы қоғамда сенім мен тұрақтылық қалыптастыру көзделіп отыр.
Бұл – демократиялық дамуға жасалған нақты қадам. Жаңа Конституция – ел болашағына жасалған таңдау. Оның мазмұны мен рухы халықтың еркін білдіріп, ортақ жауапкершілікті талап етеді. Әрбір саналы азамат бұл өзгерістерге бейжай қарамай, ел тағдырына қатысты ұстанымын айқындауы тиіс.
