Қазақстан Республикасының жаңа Конституция жобасында адам құқықтары мен бостандықтарын қорғауға ерекше мән берілуі – маңызды әрі уақыт талабына сай қадам.
Бұл бағыт мемлекет пен қоғам арасындағы сенімді нығайтып, әр азаматтың заң алдында тең екендігін нақтылай түседі.
Адам құқығын қорғау тетіктерінің күшейтілуі, сот жүйесінің тәуелсіздігін арттыру және Конституциялық бақылау институттарының рөлін кеңейту – әділетті қоғам қалыптастыруға негіз болады деп есептеймін.
Жалпы, бұл өзгерістер азаматтардың құқықтық мәдениетін арттырып, заң үстемдігі қағидатын нақты өмірде жүзеге асыруға мүмкіндік туғызады.
