«Ақ жол» демократиялық партиясы семинар өткізді

(0 Votes)

"Ақ жол" демократиялық партиясының ұйымдастыруымен "Партияның баспасөз қызметі және әлеуметтік желінің мүмкіндігі" атты екі күндік семинар-тренинг өтті.

Ол партияның жергілікті филиалдарында қызмет етіп жүрген баспасөз хатшыларына арналды.

Бір ерекшелігі, әдетте баспасөз қызметкерлерінің бастары қосыла бермейтін айтулы кездесуге партия төрағасы "Ақ жол" демократиялық партиясының төрағасы Азат Перуашевтің жеке өзі де қатысты. Қатысып қана қоймай, өз ой-пікірін ортаға салып, алыстан ат арытып келген қонақтардың да ұсыныс-тілектерін сұрады.

Білімі мен берері мол шараға партияның Атырау облыстық филиалының баспасөз өкілі Амандық Сағынтайұлы да қатысып, мол тәжірибе жинап қайтқанын айтты.

— Партияның Ұлттық кеңесінің хатшысы Арман Сқабылұлы, белгілі журналист Қайнар Олжай, партияның орталық аппарат басшысы Асылхан Төлепбергенұлы, шара ұйымдастырушыларының бірі Ғазиза Бақтиярқызы және smm-маман Дәулет Әждар бай тәжірибелерімен бөлісті. Сапалы медиаконтентпен жұмыс жасаудың тиімді тәсілдерін айтты. Әсіресе, шынайы және жалған ақпараттың аражігін ажырату оңайға соқпаған қазіргі уақытта бұл дәрістердің пайдасы мол, мәні зор. Ал, партия төрағасының арнайы алтындай қымбат уақытын арнап, құнды бастамаларымен бөліскені бізге жасалып жатқан жұмысты одан әрі жандандыруға шалқар шабыт сыйлады. Бұл үшін ұйымдастырушыларға үлкен алғысымды айтқым келеді, - дейді ол.

Семинардан бөлек, партияның Алматы қалалық филиалы "ақжолдық" баспасөз хатшыларын "Шымбұлақ" тау-шаңғылық курортына апарып, Алма-арасан шипажайында ауызашар берді.

Айта кеткен жөн, игі дәстүрге айналған мұндай маңызды басқосулар алдағы уақытта да жалғасын табатындығына сендірді.

Айсұлу ҚОНДЫБАЕВА,
"Ақ жол "демократиялық партиясы Атырау облыстық филиалының өкілі

Соңғы жаңалықтар

Республика күні

25qazan-respublika

Фотогалерея

Сауалнама

Вакцинаға көзқарасыңыз қандай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logotype

Меншік иесі: «Атырау-Ақпарат» ЖШС

“Серпер” ҚР Ақпарат және коммуникациялар министрлiгi Ақпарат
комитетінде 2018 жылы 16 мамырда тiркелiп, № 17103-Г куәлiгi берiлген.
Мекенжайымыз: Атырау облысы, Құрманғазы ауданы, Құрманғазы ауылы,
С.Көшекбаев көшесі, 25 үй.
Индекс 060400.
Байланыс телефоны: +77123321570, +77123321478.


Яндекс.Метрика