Жақында Ақтөбе қаласында 2013-2014 жылы туған жасөспірімдер арасында еркін күрестен республикалық турнир өтті. Оған еліміздің әр өңірінен келген жас спортшылар қатысып бақтарын сынады. Олардың қатарында ауданымыздағы Абай атындағы жалпы орта мектебінің 6 сынып оқушысы Әділ Боранғалиевте болды.
Қызықты да, тартысты өткен сайыста Әділ өзіне қарсылас шақ келтірмей, ауданымыздың мерейін үстем етті. Жақсы дайындықпен барған құрманғазылық жас спортшы алтын медальды мойнына тақты. Оны осы жарысқа әзірлеп, шеберлігін шыңдаған жаттықтырушысы Әділбек Сайфеновтің еңбегі босқа кетпей, үкілі үміті ақталды. Жас спортшының жеңісті жолы жалғасын тауып, алар асуы, шығар биігі көп болсын!
Қанат ҒҰМАРОВ
