Қазақстандық теннисшілердің әлемдік рейтингідегі орны белгілі болды

(0 Votes)

Бүгін қазақстандық теннисшілердің жаңартылған әлемдік рейтингідегі орны белгілі болды, деп хабарлайды ҚазАқпарат.

Әйелдер теннисі қауымдастығы (WTA) рейтингісінде Қазақстанның бірінші ракеткасы Елена Рыбакина 25-орнын сақтап қалса, Юлия Путинцева 39-дан 38-ге жоғарылады.

Рейтинг көшін бұрынғыша Польша өкілі Ига Свентек бастаса, эстониялық Анетт Контавейт - екінші, грекиялық Мария Саккари үшінші орынға жайғасқан.

Қазақстандық Анна Данилина жұптық сында 20-дан 19-ға ауысып, өзінің жеке рекордын қайталады. Е.Рыбакина 106-сатыда (+2) тұр.

Кәсіпқой теннисшілер қауымдастығы (ATP) рейтингісінде еліміздің бірінші ракеткасы Александр Бублик 47-сатыдан өзгермесе, Михаил Кукушкин 215-тен 214-ке, Дмитрий Попко 236-дан 232-ге көтерілді. Тимофей Скатов 250-інші, Денис Евсеев 268-орында (-2) келеді.

Үздік үштікте өзгеріс жоқ: ресейлік Даниил Медведев, германиялық Александр Зверев, испаниялық Рафаэль Надаль қамшы салдырар емес.

Жұптық сында Андрей Голубев 46-орнын сақтап қалса, Александр Недовесов 57-ден 58-ге сырғыды.

ФОТОГАЛЕРЕЯ

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521