Ел дамуының қазіргі кезеңінде жұмысшы мамандықтардың маңызы ерекше артып отыр. Соның ішінде дәнекерлеуші мамандығы – өндіріс пен инфрақұрылымның тірегі. Зауыт-фабрикаларда, құрылыс алаңдарында, мұнай-газ саласында дәнекерлеушінің еңбегінсіз бірде-бір нысан іске қосылмайды.
Президент Жолдауында еңбек адамының мәртебесін көтеру, техникалық және кәсіби білім беруді дамыту басты басымдық ретінде атап өтілді. Бұл – дәнекерлеуші сияқты жұмысшы мамандықтарға деген сұраныс алдағы уақытта да жоғары болатынын білдіреді. Білікті маман тұрақты жұмысқа, лайықты жалақыға және кәсіби өсу мүмкіндігіне ие болады. Қорытындылай айтқанда, жұмысшы мамандықты таңдау – тек еңбек ету ғана емес, ел экономикасының дамуына нақты үлес қосу. Еңбекқорлық пен кәсібилік әрқашан бағаланатын құндылық болып қала береді.
