"Атырау-Ақпарат" медиахолдингінің бас директоры Ысқақ Егембердиев тамыз айында медиахолдинг ұжымымен өткізген алқалы мәжілісінің бірінде кәсіподақ комитетінің жұмысын жандандыруды тапсырған еді. Көп ұзамай оның нақты нәтижелері де көріне бастады.
Нақтырақ айтқанда, бас директордың орынбасары Рауан Сәбитұлының тікелей қолдауымен және медиахолдинг кәсіподақ комитетінің төрағасы Қаршыға Көшековтің ұйтқы болуымен Қызылорда облысындағы "Жаңақорған" емдеу-сауықтыру шипажайы әкімшілігімен екі жаққа да тиімді келісімге қол жеткізілді.
Нәтижесінде серіктестіктің алты бірдей газет және баспа қызметкерлері онкүндік тегін жолдамамен қамтамасыз етілді.
Қазіргі таңда облыстық "Атырау", аудандық "Серпер", "Дендер", "Кең Жылой" газеттерінің журналистері мен баспахана қызметкері "Жаңақорған" шипажайында демалып, әрі ем алу үстінде. Серіктестіктің кәсіподақ комитеті FlyArstan әуе компаниясымен келісіп, демалушылардың Атыраудан Қызылорда қаласына дейінгі билет ақысын да өз мойнына алды.
Е.Қошақанов