Білім – ойдың сұлуын,
Асу еткен – ұстазым!
Жүрегінің жылуын,
Шашу еткен – ұстазым! - дегендей бүгін Құрманғазы аудандық жас туристер бекетінде «Менің сүйікті ұстазым» атты шығармашылық байқауы өтті.
Байқауда өз ұстазы Эльмира Жасталапқызы туралы жүректен шыққан жырын жеткізіп, болашақта мұғалім мамандығын таңдаймын деген М.В.Ломоносов атындағы жалпы орта мектебінің 8-сынып оқушысы Елемесова Аружан /жетекшісі Гилаев Алтай Магзомович/ жүлделі бірінші орынды иеленді. Ұстаз да диқан сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға қанатын қатайтып ұшырады. Адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіреді. Әр мұғалім өз сабағының шебері, режиссері деуге болады,көбінесе басты рөлде өзі ойнайды.
Еңсесі биік егеменді еліміздің адалдықты ту еткен алғыр ойлы, адал азамат ұл-қыздарына саналы тәрбие, сапалы білім беруде шаршамай, талмай еңбек еткен ұстаздарға мың алғыс!
Қ.Қыдыршаева,
Ломоносов атындағы жалпы орта мектеп директорының тәрбие ісі жөніндегі орынбасары
